புன்னகைத்தாள்..

உடலுக்குள் உறையுள் தந்தவள்

இருள் ஒன்றை அறையாய் தந்தவள்

தான் உண்ணும் உணவை எனக்கும் தந்தவள்

என்னை ஈன்று இந்த உலகுக்கு தந்தவள்

உயிர் போகும் வலி உணர்ந்தாள்

என் உடல் காற்றில் பட - மீண்டும்

உயிர்த்தெழுந்தாள் - என் முகம் பார்த்து

புன்னகைத்தாள், வேதனையை மறைத்தாள்

நான் வளர என் கனவுகள் வளர்ந்தன

என் கனவுகளோடு அவளும் - எனக்காய்

வளர்ந்தாள், உழைத்தாள் - என்னை

ஊர் போற்ற வேண்டும் என பாடுபட்டாள்

அவள் காலடி சொர்க்கம் - அதை

நான் தேடாத போதும் ஏனோ

எனக்காக எல்லாம் செய்கிறாள்

அவள் விழித்து என்னை தூங்கச் செய்கிறாள்

கனவான உலகில் உண்மை அன்பும்

கொடூர ஜனங்களின் மத்தியில் அன்பின்

உருவமுமாய் தெரிகிறாள் - தன்னையொரு

சேவகியாய் எண்ணி எனக்கு சேவை செய்கிறாள்

திருப்பிச் செலுத்த முடியா கடன்

உன் அன்பு அதில் ஒரு துளியேனும்

தந்து முடிக்க வேண்டும் - தாயே

உன்னை விட அதிகம் அன்பு காட்ட வேண்டும்

உன் மேல் அன்பு செலுத்த வருடத்தின்

ஒரு நாள் போதாது ஆனால் உன்னைப்

பெறுமைப்படுத்த இந்நாள் சமர்ப்பனம்

இனிய அன்னையர் தின நல் வாழ்த்துக்கள்..